www.noth.net/lueginsland/blog.htm

2. Febber 2022
Kanada: d LKW-Fahrer stehn uf!

    Am Kaiserstuehl isch immer ebis los, d Lit len sich nit alles gfalle. Des het mer in dr 70er Johr mit dr Anti-AKW-Bewegung gsäh, mer hets gsähne, wu Büüre un anderi Birger zum Deil mit dr Bulldeck uf Ihringe gfahre sin go drfir demonschtriäre, ass d B31 West ändlig emol fertig boije wird. Drno ischs wider zum Brotescht kumme, wu d Griäne und diä, wun ene nolaüfe, hän welle e Volksbegehre "Rettet die Biene" durchdrucke - wänn des kumme wär, hätte d Büüre un Räbbüüre kenne dr Bättel aniwärfe. Do hets aü e großi Demonstration z Friiburg mit dr Bulldeck gä, am Kaiserstuehl hän si griäni Grizer ufgstellt un Broteschfiir gmacht - s isch ums Iberläbe vu dr Räbbüüre gange, mer het ene welle fascht dr ganz Iisatz vu Pflanzeschutzmittel verbiäte.
    Aber mai was jetze z Kanada los isch! Do sin d letscht Wuch LKW uf d Haüptschtadt zue gfahre, doiserti. Un mai des sin Kärre, diä "Truck"! Do isch e Bulldog ode e eiropäische LKW grad glei drgege. Si hän z Ottawa dr Regiärungssitz iikesslet un gehn erscht wider, wänn dr Premierminischter Trudeau d Corona-Maßnahme zrucknimmt. Un jetz kummt dr Hammer: Dr Trudeau isch verdloffe, het sich an e gheime Ort verdruckt un laferet vu derte gege d Rebälle.
    Des gfallt in dr Badisch Zittig nit. Si het dagelang nyt vu däre Revolution verlütte lo - grad eso, wiäs z Köln noch em Silväschter 2015 gsii isch. Un jetze schribt des Blatt: "LANDESWEITES ENTSETZEN ÜBER AGGRESSIVE TRUCKER" - he jo, jetze sin si entsetzt, diä wu s Volk sitter zwei Johr drangsaliäre. Drno sait des Blatt, dr Trudeau heb Corona un diäg sich wäre däm "in Quarantäne" zruckziäge. He jo, dr isch drei Mol gimpft un jetze nännt er si Flucht "Quarantäne". Am Schluss kunnt, was alliwiil kumme mueß: "Einige trugen Flaggen und Transparente mit Nazi-Symbolen". Des isch dr Rohrkepiärer, wu alli Mol kunnt, wänn si nimmi witer wisse.

Worterklärungen: Febber - Februar; ebis - etwas; d Lit len - die Leute lassen; gsäh = gsähne - gesehen; Bulldeg - Traktoren; go - um zu; Räbbüüre - Winzer; dr Bättel aniwärfe - aufgeben; mai - stell' dir mal vor; doiserti - tausende; Kärre - Karren, Fahrzeuge; vrdloffe - weggelaufen; laferet - unflätig schreien; heb Corona un diäg sich ...zruckziäge - habe Corona und tue sich zurückziehen (zöge sich zurück)