Ase glei han i im Schwimmbad emol e saftigi Däsche bikumme. In dr 50er Johr isch des gsii, dertemol isch s Rothwiiler Bad e Magnet gsii, wu Sunne-Abätter un Wasserratte üs allene Derfer rings rum azoge het. Do isch e Holzbarack gsii mit Dire, wu "Frauen" un "Männer" druf gstande isch - zwoo Gmeinschaftskabine. Mich Gnirps hets Wunder gnumme, wiäso ass do eso e Drännung isch und was do bi dr Fraüe bsunders sott sii, ass si nit bi uns Buebe/Männer mit in d Kabin kumme. Hit will Hinz un Kunz alles glich ha - ass Männer Kinder uf d Wält bringe un d Fraüe keini oder umkehrt, ass alli Mänsch*inne derfe im Stroßeboi schaffe (d *innen aber am liäbschte doch nit). Ich bi dertemol as Erschtklässler scho so druf gsii. Ich bi, wänn mers hit iberleg, eine vu dr erschte gsii, wu fir d Emanzipation un Glichberächtigung vu dr Fraü gsii isch. Ich han also eifach d Dire vu dr Fraüekabin kopfbreit ufgmacht, han versuchet, mich in däm dunkle Raüm z orientiäre - e Sekund speter zuckt do e Hand üs em Direspalt rüs un git mir e Däsche, mei, e Däsche, ich gspiir si hit no.
    Hit isch d Wält Gott sei Dank besser. S Schwimmbad z Rothwiil isch frisch revoviärt, isch zum e Edelstei im Grottebach-Dal gmacht wore. D Rutschi, wu ins Kinderbecke goht, isch sogar mit dr Rägebogefarbe agmolt, ass d Kinder scho ase glei lehre, ass alli 67 Gschlächter glich sin. S git zwar alliwiil no e ägstra Fraüekabin, aber do ka jede Bue, jede Mann ohni Gfohr niigoh, dr brücht nur sage, er fiählt sich as Maidli oder as Fraü - as Transgender-Fraü. Hoffentlig git niäme im e sone Markus alias Tessa emol eso e saftigi Däsche, wiä ich si bikumme han.