www.noth.net/lueginsland/blog.htm

Zischtig, 11. Jünni 2024
Dr Drogus Wilhälm

    Unser alte Nochber isch dr Drogus Wilhälm gsii. Ich han-e in dr 50er Johr ase jung no lehre känne, friili nur im Grangebett. Mir dänkt no, wiä ner mit Melissegeischt iigriibe wore isch. Mai fir mich ist des e Erläbnis gsii! Un erscht no, wu dr Dokter d Spritzi üspackt het! Dr het si in dä Patiänt niigstoche (so hets mi dunkt) und drno het er si im e Schnapsglesli mit Schnaps desinfiziärt. Bal druf isch er gstorbe.
    Hit han i erfahre, ass da Mann z Neij-Briisach in dr Wäberei gschafft het – do seig no vu Hand gwäbt wore. Är säig alli Dag dert ani gloffe – des sin iber Google Maps 14 Killemeter mit 3 Stund un 20 Menütte z Fueß. Är wurd aber gschnäller gloffe sii. Des mueß mer sich emol iberlege! Däne isch nyt gschänkt wore! Dr isch aü no Büür gsii oder het näbehär no büürt. Wahrschiints hän si Fraü und d Kinder aü viil gmacht. Ich han aber nur no d Geiße gsähne, wu si Dochter ghalte het. Dr groß Mischthüffe het aber druf ani dittet, ass er emol e Kueh mueß gha ha. E Kiähli! Des sin kenni Viicher gsii wiä hit.
    Unseri Kinder un unseri oberste Bolitiker sotte emol e baar Wuche in sälli Zit niiversetzt wäre un sotte miäße mitschaffe. Drno wär s Glima ke Thema meh. Drno kämt-ene villicht, ass mer unseri Wirschaft un unser Läbensstandard, wu mer hit hän, nit sott verkumme lo.

 Worterklärungen: Zischtig - Dienstag; Jünni - Juni; ase jung – als ich jung war; mir dänkt no – ich erinnere mich noch; s dunkt mi - ich habe den Eindruck (es dünkt mich); Melissegeischt – Klosterfrau Melissengeist; mai! – was meinst du!; Neij-Briisach – Neu Breisach; dert ani gloffe – dort (zu Fuß) hin gegangen; dr wurd – er wird wohl; büürt – Bauernwirtschaft betrieben; sotte miäße mitschaffe – sollten mitschaffen müssen; nit sott vrkumme lo – nicht verkommen lassen sollte