www.noth.net/lueginsland/blog.htm

    Ich bin amol in Ghana in dr Stadt Cape Coast gsii un han derte d Sklave-Händler-Burg agluegt. Die het im Laüf vu dr Kolonialzit in dr Portugiise un in andere ejropäische Kolonialmächt ghert, am lengschte in dr Ängländer. Dr schwarz Turischte-Fiährer het uns e Källerloch zeigt, wu d Sklave iigesperrt gsii sin. S het kenne Monet düüre, bis si ufs Sklaveschiff in Richtung Amerika kumme sind. Dä Källerraüm het Blatz fir e baar Dutzend Schwarzi gha, wu wiä in ere Sardine-Bix zämme pfärcht gsii sin. Luft isch numme dur ei Loch kumme. Diä Stärkschte han sich e Blatz an däm Loch erkämpft, die Schwächschte sin im Hintergrund verstickt, het dr Fiährer verzellt un het uns Wisse do furchtari Schuld iigflest, aü in uns Ditsche, wu niä ebis mit däre Burg z due gha hän. Ebis het dr Fiährer vergässe z sage: Diä afrikanische Kischte-Stämm hän im Landesinnere Jagd uf ihrini schwarze Bluetsbriäder gmacht un hän si in dr Kolonialherre verkaüft.
    Z Friburg herrscht jetz Ufregung. Nigeria will diä afrikanische Kunschtgegeständ, wu z Friburg und an andere Ort in Museä sin, zruck ha. Natirlig het dr Friiburger Stadtrat dr Katzebuckel gmacht un will diä Giäter zruck gä. Unter uns gsait: Wänn diä Giäter nit in europäische Museä ufghobe wore wäre, däte si scho lang nimmi exischtiäre oder wäre in dr Stube oder im Hüüsgang vu Brivatlit ufgstellt. Jetz kunnt aü no rüs, ass Nigeriä diä Giäter in dr Nochkumme vum Oba ibertrage will - dä Oba isch dr schwarz Kinnig gsii, wu am Sklavehandel verdiänt het un dur dr Sklavehandel het kenne d Härstellung vu däne Bronze-Figüre finanziäre. S isch aü no bekannt wore, ass s Matrial fir diä Bronzene üs em Rheinland kunnt. Wänns no dr AfD-Fraktion im Friburger Stadrat goht, solle diä Gegeständ bliibe, wu si sin - nämlig z Friburg un z Ditschland.

Worterklärungen: in dr Ängländer - den Engländern; ebis - etwas; gsait - gesagt; däte si - würden sie; nimmi - nicht mehr; Brivatlit - Privatleute; Bronzene - Bronzen (= Kunstwerke aus Bronze)