23. Jänner 2022
Ebis Positivs
"Harald, verzell doch emol ebis Positivs.
Vu Dir hert mer alliwiil nur Bruddle un Meckere!"
"Eh jo, des kasch ha! Geschtert bin i
mit dr Kaiserstuehlbahn uf Friiburg gfahre - e Zug, wu durchgfahre isch
bis an dr Schuchsee. Friähjer het mer diä Bahn dr Äntekepfer gheiße -
hit findsch küüm meh Änte uf em Gleis und diä Bahn isch jetz
eläktrifiziärt, s Modernscht, was es git. In däne Wäge isch alles neij,
keini vollgspritzte Schiibe, keini ufgschnittene Sitz, alles süüfer,
dr kasch vu einem Zugänd zum andere laüfe, s git sogar Klo, wu uf sin.
Ich han dr Ding, äh, dr Volker aber nit gfunde, wu z Briisach het welle
iistiige un mit uf d Demo z Friburg fahre. Halt, des isch jo wider
negativ. Also positiv: wä-mer uf däm Broteschtmarsch küüm eber gfunde
het, aü dr Volker nit, sait des ebis Positivs: dr Marsch isch nämlig eso
groß gsii, ass mer unmeglig het kenne alles iberblicke. D Verastalter
hän gmässe un üsgrächnet, ass des
iber 10.000 Demonstrante gsii sin. Zehdoisert - un nit nur vu
Friiburg, aü vum Kaiserstuehl, üs em Schwarzwald, üs dr Rhiinebini. Noch
viile Johre vu Friidhofsstilli, wu d Merkel het kenne mache, wa sie
will, stoht s Volk ändlig emol uf un wehrt sich gege s Corona-Reschim.
Un des isch aü notwändig: während dr Lauterbach mit sinene Kumpane un dr
griän Stalin z Suttgart d Düümeschrüübe alliwiil meh aziäge, diän e Deil
Länder wiä Irland un Großbrittaniä d Fessle wider luck mache. In dr
Schwiz gildesch 12 Monet as "genesen", z Ditschland - halt, des isch
wider negativ, des ka mer gar nit uffe sage un ich wills aü gar nit
gsait ha: Mir hän Lit in dr Regiärung, wu des "Genesen" uf 3 Monet
raschrüübe un dr Impfzwang blane. Diä "Voksverdrätter"
("Volkverdramper"?) quäle d Kinder mit Larve, verweigere ne e normale
Schuelunterricht un wänn diä Arme aü no impfe. Aber noch däne große
Demonstratione un Spaziärgäng in ganz Ditschland goht ene afange s
Fiidle uf Grundiis. Villicht gnicki si ball ii. Des wär positif hoch 3."
Worterklärungen:
Jänner - Januar; ebis- etwas; alliwiil - immer;
bruddle - brummeln; des kasch ha - das kannst du haben;
Äntekepfer - Entenköpfer;
küüm meh - kaum mehr;
dr Ding - der
Ach-wie-heißt-er-noch-schnell; het welle iistiige - einsteigen
wollte; küüm eber - kaum jemand; diän ... luck mache -
(tun) ... lockern; glidesch - giltst du; Volksverdramper -
Volkszertreter; Larve - Fasnachtsmaske, hier: Maske; goht ene
afange - geht ihnen allmählich; s Fiidle - der Arsch;
gnicki s ball ii - knicken sie bald ein |