www.noth.net/lueginsland/blog.htm

19. Novämber 2021
Ilse Schwörer R.I.P.

    Mr sott nyt nüsschiäbe, bsunders nit dr Bsuech bi alte Lit. S Ilse Schwörer isch e gueti Bekannti vu uns un mr hän diesjohr scho drei Mol mitenander delifoniärt; ich han s emol welle hole zu uns uf Rothwiil; äs het z Wyhl gwohnt un hets nit eifach gha zum dohär kumme. Aü dr Äntekepfer fahrt bloß bis uf Ändinge un nit uf Wyhl. Geschtert han i s ändlig emol packt un han agruefe biinem go ebis üsmache. "Diese Nummer ist uns nicht bekannt" isch üs em Delifon rüsghumme. No han i im Internet versuecht d Nummere z finde un bi schockiärt gsii - i bi uf si Dotesazeig gstoße.
    S Ilse isch im Meinrad Schwörer si Fraü gsii; dr Meinrad het e große Namme in dr Anti-AKW-Bewegung um Wyhl un am Kaiserstuehl gha. Är isch aü e Natürschitzer ohni Linksdrall gsi und des het ihne un ihnes verbunde. Äs het sich nit sini Gedanke vu dr Obrigkeit vorschiibe lo, nai, s het esälber dänkt un so hets aü gsait, ich loss mi nit impfe. Si hän no ase alt ghirate gha un noch e baar scheni Jährli mitenander derfe verläbe. Ich han ihnes iber dr Meinrad kännt, aber aü üs der Uniklinik, wu äs im Fotolabor gschafft het un wu ich as Mitarbeiter in dr Technik ab un zue anikumme bi. In der letschte Johr vum Meinrad hets-e miäße pfläge. S isch e schlimms Schicksal, wämmer si Mann oder si Fraü mit Liäbi un Draiji bflägt un drno, wänn desjenig gstorbe isch, ellei mueß sii un villicht sälber grank wird. Villicht wirds emol im Himmel vergolte. S Ilse het sich allewäg gärn unterhalte un jetz hets miäße mit em Hund oder an d Wand dra schwätze, well sonigi wiä ich zue oft gsait hän, "mr sott emol", "mer wott emol", aber des nur zue sälte due hän - ihnes bsueche oder hole.

Herr, gib em d ewig Ruehj!

Worterklärungen: mr sott nyt nüsschiäbe - man sollte nichts hinausschieben; s Ilse - die Ilse, zum Frauennamen im Neutrum siehe hier; Äntekepfer - "Entenköpfer", spaßhafter Name der Kaiserstuhlbahn; go ebis üsmache - um etwas auszumachen;  des het ihne un ihnes verbunde - das hat ihn und sie verbunden;  no ase alt ghirate - noch als alte Leute geheiratet; anighumme - hingekonnen; Dräiji - Treue; allewäg - jedenfalls; sonigi - solche; mer sott, mer wott - man sollte, man wollte