|
11. Aügüscht 2021
Gritik
un Dank
Bi dr Grankehiiser
gits viil z gritisiäre. Zum Bejspiil d Helios Rosmann Klinik z Briisach
het ke guete Ruef meh. Villicht lit des am brivate Betriiber, wu mit
däre Glinik will Gäld verdiäne. Do ghert viil verbesseret; Grankehiiser
ghere halt eifach in d effentlig Hand. Aber wänn Briisach gschlosse wäre
dät, hät d Region e große Verluscht. 2020, mittle in der
Corona-Plandemii, sin z Ditschland 21 gleineri Glinike zuegmacht wore.
Honi soit qui mal y pense – e Schelm isch, wär do Beses driber dänkt.
Mer sott aber aü emol
diä ander Sitte sähne. Ditschland het alliwiil no e besseri
Grankeversorgung wiä diä meischte EU-Länder. Des lit aü am
Grankekassesysschtem. Ich han desjohr scho d Glägeheit gha, e Friiburger
konfessionelli Glinik vu inne z sähne. Was d Doktere do gleischtet hän,
do kan-i numme dr Huet drvor ziäge. Un des het e Hüffe Gäld koschtet un
drheim gohts eso witer. Mit däm, was mini Medikamänte alli Dag koschte
un wu d Kass s meischt drvu zahlt, kenntsch meh wiä drej Viärtili drvu
drinke. Ja, Düü, ich sälber derf jo nimmi. Ich han zwar mi Läbe lang
iizahlt, aber jetz han i aü e richtige Batze rüs bikumme. Ich bi dankbar
driber, was d Doktere, d Schweschtere un wär suscht no schafft im
Spital, gleischtet hän un aü dankbar gegeniber em ditsche Sozialstaat un
sinem Grankekassesyschtem.
Worterklärungen: lit -
liegt; alliwiil - immer; desjohr - dieses Jahr; Doktere
- Ärzte; numme - nur noch; e Hüffe - viel; alli Dag -
jeden Tag |
