www.noth.net/lueginsland/blog.htm

24. Dezämber 2020, Heilige Obe
E gleine Drummler z Bethlehem

Hit am Heilige Obe soll d Bolitik emol still sii. Ich will emol vum Orient verzelle, vu derte, wu dr Jesus gebore isch. Bis zum hittige Dag hets derte no Grischte, z Egypte un im Libanon noch e Hüffe, im Irak un z Syrie alliwiil wenniger. In däne letschte zwee Länder hets Diktatüre gha, wu kültüräll proweschtlig gsii sin; d Religione sin do glichbrächtigt gsii, unter em Saddam Hussein isch e Grischt sogar Üsseminischter gsii. Siter ass d USA dr Irak kabütt bombardiärt hän un sitter ass d Ami un anderi d Opposition gege dr Assad groß gfiäteret hän, sin d Grischte ohni Schutz gsii un s sin e Hüffe abghaüe un ... halt! Jetz simmer jo scho wider bi dr Bolitik. Allewäg gits aü paläschtinensischi Chrischte, un des aü no z Bethlehem, wu dr Jesus gebore isch - des lit im Weschtjordanland - meh sag i do nit. Derte hän anne 2018 fimpf Sänger e wunderbari Version vu Drummer Boy ufgnumme - Ihr wisse scho, des isch des Liäd, wu e gleine Drummler, wu fascht nyt het, im Jesuskindli si Drummle schänkt - s einzig, wun er gha het. Horche des Liäd emol a - s isch uf, Änglisch, Italiänisch un Arabisch gsunge.

Worterklärungen: e Hüffe - viele; alliwiil - immer; het ... gha - es gab; sitte ass - seit; gfiäteret - gefüttert; allewäg - auf jeden Fall; aü no z Bethlehem - auch noch in Bethlehem; lit - liegt; nyt - nichts