S Fiir

Wänn Dü im Badische Alemanneland uf e Heimetobe gohsch, wirsch viilmol feschtstelle, ass do in gstelztem Hochditsch moderiärt wird. Un s ka Dr licht bassiäre, ass Dr verschiidini lokali Hymne uf Hochditsch zum Here bikunnsch: "Es steht eine Mühle im Schwarzwäldertal ...", "Oh du mein Kaiserstuhl, oh du mein Heimatland ..." usw. Vergangini Generatione vu Textdichter un Komponischte hän schiints gfunde, ass des bsunders guet in unser Ländli basst ... Oder hän si bloß ke Alemannisch kenne?

Ass alles goht, wämmer numme will, het sich diämol z Bueche bim e Konzert vu dr Müssik zeigt. Dr Friedbert Schill mit sinem Gravatt in dr badische Farbe het dä Obe uf Alemannisch amoderiärt un drno, mai do! Dr Ex-Gälfiäßler Wolfgang Miessmer het ibernumme un het mit dr Buechemer Müssik e Konzert ani glegt, wiäs es bishär nonit gä het im Badische Ländli. Diä Neiheit isch aber zum e große Deil im e gebirtige Franzos z verdanke, im Christian Sade, wu z Bueche dirigiärt un wu aü komponiärt. Dr Miässmer het zerscht d Quätschi gnumme un s "Schnäckehiisli" gsunge un s Publikum mit - bim Wolfgang sinem Charisma un Humor isch ke Aüg drucke un ke Müül zue bliibe - un drno isch d Orkeschterversion vum Chrischtian Sade kumme - am Afang klassisch bedächtig, zum Schluss zum Raggea gsteigeret. Eso sin aü "In s Mueters Stibili", "Dr Hans im Schnogeloch" un anderi alemannischi Liäder vum Sade arrangschiärt un vum Miässmer gsunge wore. D Müssikante hän beachtligs Niveau zeigt un säll Zitat het basst, wu dr Schill Friedbert vordrait het: Tradition bedittet s Fiir wittergä un nit d Äsche abätte!

Harald Noth

Lueginsland - erschienen am 3. November 2007 in der Badischen Zeitung