Lueginsland - erschienen am 8. Januar 2005 in der Badischen Zeitung

Schwizerbue

Dr Dietrich isch ase glei in d Schwiz verschickt wore un isch derte bi mennonitische Bärgbüüre ufgwagse. Wäge däm isch er aü nit in d regulär Schuel kumme, d Bibel isch si einzig Lehrbuech gsii; dr het in sällere radikal-chrischtlige Gmein üsser Alemannisch, dr Büürerei un dr Ehrfurcht vor Gott nyt bsunders glehrt ... Bis er mit 11 Johr wider zruck ins Ruhrgebiit kumme isch. Arms Biäbli, firs ganz Läbe verdorbe, nit wohr, gäll, oder isch do eber anderer Meinig?

Szenewägsel. Dr Rex, e Regisseur, un d Schaüspiileri Hermia fahre vu Friiburg uf Basel zum Morgestraich. Diä Fraü het sich vergafft in dä Mann, aber s het alles ke Wärt, dr isch e hochmiätige Gickel, däm isch nit bii z kumme, schwätzt wiä e Maschinegwehr ... Wu si an dr Zoll kumme, haüts diä Frau fascht vu dr Strimpf ... Dr Zellner sait ebis in ere ganz kehlige Sproch un dr Rex git ebefalls uf eimol ganz kehligi Lüt vu sich ... Dä Mann isch wiä verwandlet ... S nägscht Ziil vu däne zwei isch e Bärgdorf bi dr Mennonite ... Was wird üs dr hoffnungslose Liäbi vu dr Hermia? Wird nit verrote. Sälber läse!

Des Dieterli isch niäme anderscht wiä dr speter Brofässer Schwanitz, un dr Rex isch eini vu zwo Haüptfigüre im Buech „Schweiz – Liebesprobe jenseits der Baumgrenze“, gschriibe vum Dietrich Schwanitz un dr Angela Denzel. Un diä Romanfigüre sin vu dr Autore üs em Läbe griffe, üs em eigene. Diä alemannisch Kindheit mueß däm Schwanitz guet due ha, dänn dä Anglischt het jeder Zit unter dr akademische Käsglocke kenne viri schlupfe un het sich bi Mänsche wiä Dü un ich kenne verständlig mache. Sogar mit Beschtseller wiä „Bildung“ un „Campus“. An sinem Läbensobe hets-e zruck ins Alemanneland zoge, uf Harte im Markgräflerland, derte isch er vor kurzem gstorbe.

Harald Noth

Hochditschi Zämmefassig: Dietrich Schwanitz wuchs in der Schweiz unter mennonitischen Bergbauern auf; erst als er mit 11 zurück ins Ruhrgebiet kam, besuchte der fast nur noch alemannisch sprechende Junge eine reguläre Schule. Seine alemannische Kindheit scheint ihm nicht geschadet zu haben ... Sein mit Angela Denzel zusammen geschriebenes Buch "Schweiz - Liebesprobe über der Baumgrenze" hat autobiografische Züge und zeigt das Spannungsfeld zwischen alemannischem und hochdeutschem Charakter. Vielleicht hängt es mit seiner Schweizer alemannischen Prägung zusammen, dass es ihm gelang, nicht unter der akademischen Käseglocke zu verkommen, sondern im Gegenteil sehr erfolgreich mit den Normalsterblichen zu kommunizieren; seine Bestseller wie "Bildung" und "Campus" zeigen es.

Leserprobe aus "Schweiz - Liebesprobe über der Baumgrenze"

Leseprobe aus der Einführung von "Bildung" von Dietrich Schwanitz