www.noth.net/lueginsland/blog.htm

23. Novämber 2022
Gleini un großi Kircheschänder

    In letschter Zit hets dermaße viil Vandalismus an Kirche gää, ass es - iber dr Bolizei-Bricht - sogar bis in d Badisch Zitung drunge isch. So het eber z Wasewiiler versuecht, in dr katholische Kirch Fiir z lege un e Schade vu iber 10.000 Euro verursacht. Vum däm Täter ke Spür. Z Gallewiiler bi Heitersche het eber als uf dr Empore (fir d "Letscht Generation": des isch e Bihni hoch obe im Kircheraüm) gschlofe, schiints e Hamberli. Des het mer mache loo - bi uns derfe jo alli alles. Bis dä Kärli emol e Kegel zwische dr Kirchbänk abgesetzt het. Des isch drno sogar in dr Pfarreri z viil wore; d Kirch isch siterhär abgschlosse. Z Briisach in dr evangelische Martin-Bucer-Kirch het eber mehrfach hinterenander Schiibe iigworfe; do het mer aü Droge verstecklet. Bis d Kirchegmein eine dur e Videoufnahm verwitscht het. Drno isch Ruehj gsii, dänn dä Kärli hätt sotte vor dr Kadi kumme. Aber bal isch vum Staatsawalt mitteilt wore, ass s Verfahre iigstellt wird, wel dr Täter unter 16 isch. D Bfarreri jomeret: "Am Tag darauf war wieder eine Scheibe eingeworfen."
    Aber jetz ehrlig emol: Des sin doch gleini Fisch. Z Berlin sitze diä Große. Zum Biispiil d griän Kultusstaatsminischteri Claudia Roth un s Humboldt-Forum, wu dr Bibelspruch uf em Berliner Stadtschloss z Nacht iberblände loo wann. Oder s Üsswärtig Amt: Des het bin ere Kumferänz vu dr G7 z Münster e Griz abhänke loo, wu derte siter em 16. Johrhundert hänkt. D Baerbock isch zwar zruckgruederet - aber noch dr Kumferänz, wus Gott sei Dank doch e Ufschrei gää het.

Worterklärungen: eber - jemand; z Wasewiiler - in Wasenweiler; Fiir - Feuer; z Gallewiiler bi Heitersche - in Gallenweiler bei Heitersheim; het eber als - hat jemand immer wieder; Bihni - Bühne, erhoberer Raum; schiints - anscheined; Hamberli - Landstreicher; Kegel - Notdurfthaufen; drno - dann; verwitscht - erwischt; jomeret - jammert, klagt