www.noth.net/lueginsland/blog.htm

21. Aügüscht 2022
Flichtling anne 54

    Hit am Morge isch mer e Zittigs-Artikel vu 1954 in d Händ kumme, wu sich um s "Kreisflüchtlingslager Burkheim" drillt. In däm Hüüs sin 130 Flichtling un Heimetverdriibini zämme bfercht gsii. Do hets zwei Stockwärk gha mit acht Fänschter an dr Front, viäri obe, viäri unte un drnäbe noch e gleinere Boi.  Diä Flichtling hän derte "zum Teil in qualvoller Enge" miäße hüüse, wiäs in däm Artikel heißt. In dr einzelne Zimmer sin mehreri Familiä unterbrocht gsii. Ei Familä het gege diä ander Liindiächer un Deppig ufgänkt un sich dodermit abgränzt, hinter däne Diächer het mer jedes Wort, jedi Bewegung mitbikumme, wu bim Nochber gschwätzt wore un gschähne isch. Diä Abdeilunge sin grad eso groß gsii, ass links un rächts zwei doppelsteckigi Better Blatz gha hän un zwischedrin e Dischli - do hets eso viel Blatz gha wiä im e Sechser-Zugabteil. Unter dr Better sin diä baar Sache, wu diä Familiä bsässe het, unteri gstopft gsii. Bi schlächtem Wätter het do aü no miäße d Wesch ufghänkt wäre.  "Mir sin do Massemänsche", het e Fraü gsait, wu siter 1945 mit ihrene Kinder do iiquartiärt gsii isch - also niin Johr. Mai wänn do e Fiir oder e Granket üsbroche wär - d Gripp un anderi gleini Sache wäre gnue umgange si.
    Üs däm Lager het nur kenne nüs, wär e Wohnung amenord in ere Gmein bikumme het. Un drno het dr Landgreis glii dr nägscht Flichtling mit Familiä ins glich Abteil gschickt. S het viär Abort gä - des mueß mer sich emol vorstelle. Gott sei Dank hets e äxtra Lagerkuchi gha, wu s Ässe härkumme isch. Diä Lit sin ditschi Flichtling un Heimetverdriibini gsii, wu im un noch em Griäg üs em Oschte ins Mueterland gflohe sin. Friili hän dr Greis un d Gmein z Burge versucht, do si viil un so gschnäll wiä meglig z verbessere.
    Hit wäre "Schutzsuchende" aü ufs Land gfahre un iiquartiärt. S kunnt vor, ass e Deil im e wunderschene gleine Derfli wiä Schälinge sich weigere, üs em Bus üszstiige, well si in so eme Kaff nit wänn verwiile. Drotz ass in ere sone Wohnung alles drin isch, was in dr 50er Johr nitemol nit dr Burgemeischter, dr Bfar un dr Lehrer gha hän.

Worterklärungen: anne 54 - 1954; drillt - dreht; s het ... gha - es gab; miäße - müssen; Deppig - (meist wollene) Zudecke; unteri - hinunter; mai wänn - stell dir mal vor wenn; amenord - irgendwo; Gmein - Gemeinde; Abort - Klo; Lagerkuchi - Lagerküche; Burge - Burkheim; si wänn - sie wollen; Bfar - Pfarrer