10. Novämber 2020
Frevel an dr alte Synagog!
Mai z
Fiburg isch ebis bassiärt! Dr 9. Novämber isch dr Gedänkdag an d
Reichspogromnacht. Un uf em 'Platz der alten Synagoge' sin
Umwältschitzer uf eme Baüm ghockt, wu in dr Nächi vum Gedänkbrunne
stoht. Do isch d Bolizei mit Ross un Ritter ufmarschiärt un het diä
Kärli un Maidli welle ab em Baüm hole, ass si am andere Dag nit s
Gedänke an diä deportiärte Jude stere. Wurum do Ross hän miäße drbii sii
- noch drzue vu Manne - verstand i nit. Ross kenne doch nit glätere! Un
jetz kunnt dr Hammer: Diä Viicher hän üs em Gedänkbrunne gsoffe! Auwa,
"das hätte gar nicht passieren dürfen!" schribt dr Friburger
Bolizei-Vizebräsident Matthias Zeiser. Aber eso billig derf er nit drvu
kumme. Erschtens ghere diä Ross üs em Bolizeidiänscht üsgschlosse - diä
hän doch welle brovoziäre! Zweitens ghert in däne Ritter dr Stuehl vor
dr Stall gstellt - diä hän doch dr Fevel vu ihrene Ross duldet! Un
drittens ghert dr Bolizeibräsident gschasst, mitsamt siinem Diänstherr,
dr OB Horn. Ich bi mer sicher, ass dämnägscht e Schriftsatz vum
Zentralrat iidrifft, wu diä drei Forderunge gstellt wäre.
Worterklärungen: mai -
stell dir vor, ebis - etwas, welle - wollen, hän miäße
- gemusst haben, mussten, Manne - Mannheim, verstand -
verstehe, glätere - klettern, Viicher - Tiere, gschasst
- davongejagt |