www.noth.net/lueginsland/blog.htm

11. Septämber 2020
Danz uf dr Titanic

    Wu dr ani luegsch, gohts dr Bach na. Scho vor eme viärtel Johr im Gleiderlade: Alli Artikel um 20 % reduziärt. Wurum? "Wel i suscht uf dr ganze Kollektion hocke bliib", sait d Verkaiferi un Eigetimeri. Dur diä Corona-Vorschrifte het niäme meh ghirate oder suscht ke Fäscht gmacht, ke Kummion, ke Kumfirmazion. D Lit kaüfe küüm meh hochwärtigi Gleider. Un dr Suhn vus Dingse wird nit ibernumme, wänn er d Lehr fertig het. Des weißt er jetz scho, in däre Firma stoht s Wasser am Grage. Un bi sällem Unternämme, wu Siäßigkeite as Werbeartikel broduziärt, isch dr Verkaüf um 50% iibroche. E baar großi Firme bstelle noch, e Hüffe gleini spare an allem, was nit iberläbensnotwändig isch. Des ka e baar Monet guet goh fir dä Härsteller, aber mai drno ... Dr groß "Shutdown" wird im Spotjohr oder Winter kumme, desmol nit vu dr Merkel, aber dodrvu, ass in dr Unternamme d Luft üsgoht. Dr Iisbärg ka mer scho guet sähne, aber d Müssig uf dr Titanic spiilt witter un d Bolitiker danze wiä dr Lump am Stäcke.
    Do zinde Asylante uf Lesbos s eige Lager a - dr Fricker, dr Chefredaktär vu dr Badische Zittig, muetmaßt geschtert uf Sitte 1, ass "womöglich doch Einheimische das Feuer gelegt haben", uf Sitte 2 schribt dr Korrespondent Gerd Höhler, ass "Feuerwehrleute bei den Löscharbeiten von Migranten massiv mit Steinen beworfen wurden. Manche riefen triumpfierend: 'Bye bye Moria!'" D griächisch Regiärig nimmt a, ass "Gflichtiti" sälber dä Brand glegt hän. In Ditschland laüft diä Müssig ab, wu mer känne. "KRETSCHMANN BIETET HILFE NACH BRAND IN MORIA AN - Ministerpräsident sieht Bund in der Pflicht / Auch Städte in Südbaden wollen Flüchtlinge aufnehmen", so geschtert d Schlagziile vu dr BZ. Stuttgart, Friiburg, Lerrach, Lohr - alli drängle sich viri un drotz ass Massearbetslosigkeit winkt, wänn si nommeh Mitässer ins Land rii hole. Eins isch sicher: Des alles bläche emol diä letschte, wu no schaffe oder wu no e Hiisli hän. Un wänn emol dr Staat am Änd isch un s Sozialamt nimmi zahlt, zinde villicht diä gliche Griminälle s Stadtviärtel a, wu aü scho s Lager Moria azunde hän.

Im däm Video siiht mer ab dr Menüt 3, wiä "Schutzsuechendi" s Fiir lege.

Worterklärungen: ani - hin; niäme - niemand; s Dingse - die Familie Soundso; sällem - jenem; e Hüffe - ein Haufen, viele; mai drno - was meinst du was dann; dodrvu - davon; Müssig - Musik, Musikkapelle; Stäcke - Stock; geschtert - gestern; viiri - nach vorn; wänn si nommeh - wollen sie noch mehr; Hiisli - Häuschen