www.noth.net/lueginsland/blog.htm

    Hesch Dü gwisst, wär dr Bräsident vu Tansania isch un wiän er heißt? Nit? Ich bis geschtert aü nit. Dä Mann heißt John Magufuli un het Chemii gstüdiärt un mit Erfolg braktiziärt. Jetz in dr Corona-Pandemii, besser gsait, in dr Corona-Hyschterii, het er e gueti Idee gha: Dr het Brobe vun ere Papaya-Frucht, vun ere Geiß un vu andere Sache in e Tescht-Labor gschickt un mänschligi Nämme drufgschriibe; d Papaya-Brob isch zum Biispiil mit "Elizabeth Ane, 26 years, female" bschriftet wore. Un was isch nit s Ergäbnis gsii? Beidi Brobe sin positiv gsii un e baar anderi aü, des heißt, die Geiß, diä Südfrucht un anderi Sache hän Corona gha. Dr Bräsident het drno  glacht un gsait, ass jetz alli Geiße sotte in Quarantäne kumme. Kurz gsait: Dä Bräsident haltet vu däre wältwitte Hyschterii gar nyt und het si mit däm Tescht vum Tescht bloßgstellt. Dr rotet sinem Volk, nit in Panik z verfalle un witter z schaffe. Brafo, sag ich do bloß. Im Mangufuli si ganzi Red findsch in däm Video. Wä-mir numme aü eso e Bräsident hätte, aber näi, mir hän d Merkel und dr Steinmeier, wu in jedem Quacksalber uf dr Liim gehn. Zue däm Ergäbnis muesch kumme, wänn dr des Video ganz gsähne hesch. Do analysiärt dr Sebastian, e junge Stüdant, dä ganz Hokus-Bokus un deckt dä ganz Bockmischt Schritt fir Schritt uf. Guet ass es no jungi Mänsche git, wu sich nit vu dr Regiärig s Hirn zueschisse leen, nai, wu esälber dänke un Wisseschaft anstatt Ideologii bedriibe.