S Urteil

Mer ka im Hans viil vorwärfe üs sinem politische Läbe, aber eins isch drnäbe. Säll mit dr Nazi. Anschtatt in dr Hitlerjugend het er im katholische "Bund Neudeutschland" mitgmacht. Wu ner z Friiburg Jura gstüdiärt het, isch er ime Greis vu "innere Emigrante" um dr Reinhold Schneider gsii. Anne 40 isch er aber zu dr Marine iizoge wore un isch - alles het er welle numme des nit - zum Marinerichter gmacht wore.

Anderscht wiä dr Hans het dr Harald s Glick gha, ass er in ere Demokratii Rekrüt gsii isch. Des Glick het er gnutzt: 1969 het er - zum Leidwäse vu sinem Vatter - as erschte im Dorf dr Kriägsdiänscht verweigeret. Im e Schicksal wiä im Hans siinem het er vu vornerii welle üs em Wäg goh.

S Eva isch anne 45 wiä Millione anderi gflichtet; des 22-jährig Kenigsbärger Maidli het uf kei Fall welle dr Rote Armee in d Händ falle. Durch Beziähunge het äs un sini Schweschtere im letschte Momänt noch e Blatz uf eme Flichtlingsschiff bikumme. Zwar hän d Russe verschiidini Rettungsschiff iber d Oschtsee versänkt, aber s Eva Schimmelpfennig het Glick gha un het etligi Monet speter s Alemanneland erreicht, wus dr Noth Wilhälm ghirate het.

Kurz isch im Walter si Glick gsii: Dä Matros isch dessertiärt un bin ere Norwegeri unteri gschlupft. Wu ne diä het welle wider los ha, het si ne denunziärt. So isch er vors Griägsgricht kumme un im Jänner 45 zum Dot verurteilt un hiigrichtet wore. Dr Staatsawalt dodrbii het dr Hans üs em Badische miäße mache. Wiä ner in sinem Buech "Die geschmähte Generation" schribt, hebs im Walter Gröger sinem Fall kei Ermessensspiilraüm gää. D Disziplin vu dr Marine heb miäße ufrächt erhalte bliibe, wel vu däre d Rettung vu Millione Flichtling un hundertdoiserte Soldate iber d Oschtsee abghängt sei.

Wu dr Grass iber dr Untergang vum Flichtlingsdampfer "Wilhelm Gustloff" gschriibe het, het aü dr Harald am Tabu kratzt un het si Dante gfrogt noch ihrere Flucht. Do het d Dante Eva ghiile. No het er halt nit witer bohrt un het si aü nit gfrogt noch ihrem Urteil ibers Plädoyer vum Filbinger Hans.

Harald Noth

Lueginsland - erschienen am 13. September 2003 in der Badischen Zeitung