Lätzi Lehre Bergheim
im Elsiss. Näbel sänkt sich uf dr Grasbärg ra. Aber ufem Gipfel luegt
alliwiil no e riisigs Griz un d Fahne rüs. Aü d silbrige Helm vu dr Bärgemer
Bumbjee siiht mer no glänze, d Spiilmänner schmättere jetz e Marsch. D ditsch
Fiirwehr uf dr andere Sitte het goldini Helm uf, vereinzelt, golde sin aü d
Inschtrümänt vu dr Wettelbrunner Müsik. Mit wirdevoller Verspetung laüfe
jetz diä letschte Herre ii, franzesischi Zivilischte, wu blaü-wiss-roti Bändel
um dr Büch rum bunde hän un hochrangigi Soldate mit schwarz-rot-goldene
Abzeiche uf em graüe Mantel. In dr Mittli vu däre Zeremonii e Pult mit drei
graüe Grizer uf schwarzem Grund. Dr Jean Claude Schall, dr Curé vu Bärge, Dr nägscht Redner, eine wu im Badische bi dr Bolizei ebis z sage het, verzellt vum Rainerhofbüür. Sälle sei im 1. Wältkriäg do amenord in dr Vogese im Granatehagel gläge. Uf dr andere Sitte, uf em Schwarzwald, heb er St. Peter in dr Obesunne sähne leichte. No heb er sich gschwore, er diäg e Kapälle boje, wänn er do lebändig rüs kunnt. 1938 heb er si Verspräche wohr kenne mache un heb si boje lo, d St. Petemer Vogesekapälle. E nätt Gschichtli, aber schiins numme e Näbelkärz, dänn jetze schwätzt dä Mann Klartext: Mer heb wider e Griäg ufzwunge bikumme, vu dr Terrorischte. D Demokratie miäß sich wehre, des heb mer bim Hitler versäimt. Ändlig heb mer emol ebis glehrt, ändlig kämpfe diä Ditsche un d Franzose emol zämme, dert äne z Afghanischtan. Do wirds finschter uf em Grasbärg, mittle am Dag. 100 Aüge um ei Aüg? Wehre gege Wehrlosi? Rich gege Arm? D Versuechig isch so groß ... Harald Noth
|